ពិធីរៀបមង្គលការរបស់ប្រជាជនខ្មែរ

ពិធីមង្គលការ

អាពាហ៍ពិពាហ៍គឺជាពិធីមួយដែលមនុស្សពីរនាក់

ត្រូវបានរួបរួមក្នុងមង្គលការនេះ ដែលគេហៅថាកូនកម្លោះ និងកូនក្រមុំ។ ប្រពៃណីអាពាហ៍ពិពាហ៍និងទំនៀមទម្លាប់

ខុសគ្នាយ៉ាងខ្លាំងរវាងវប្បធម៌ក្រុមជនជាតិភាគតិចសាសនា

បណ្តាប្រទេសនិងថ្នាក់សង្គមជាតិ។
ហើយនៅក្នុងសង្គមជាតិ

កម្ពុជាក៏មានពិធីមង្គលការនេះផងដែរដែលមានតាំងពី​ យូរយា

ណាស់មកហើយគឺតាំងពីដូនតាយើងមកម្លេះរហូតមកដល់សព្វ

ថ្ងៃនេះ។

 នៅពេលដែលកូនប្រុស​ស្រីខ្មែរយើងរៀបមង្គលការ  គេតែងឃើញមានញាត្តិ

មិត្តជិតឆ្ងាយ និងបងប្អូនមកជុំគ្នា

តែមួយដើម្បីជួយគ្នាទៅវិញទៅមកហើយដើម្បីប្រារព្ធពិធីនេះបាន គេត្រូវមានឪពុកម្ដាយនិងចាស់ទុំនិងញាតិមិត្តទាំងសងខាង

ដើម្បីចូលរួមហើយកាលពីដើមគេប្រារព្ធពិធីនេះមានរយះពេល

បីថ្ងៃបីយប់ តែក្រោយមកគេបានយកត្រឹមតែមួយថ្ងៃកន្លះប៉ុន្នោះ

មកដល់សព្វថ្ងៃនេះ។ហើយការប្រារព្ធពិធីនេះ នៅពេលល្ងាចយប់

ថ្ងៃទីមួយគេបានប្រារព្ធពិធីមួយដែលគេហៅថាពិធីសូត្រមន្ដ

 ឬហៅថាថ្ងៃចូលរោង និងបានប្រារព្ធពិធីផ្សេងៗទៀត។ហើយនៅថ្ងៃទីពីរជាថ្ងៃពិសេសដែលគេប្រារព្ធធ្វើមួយថ្ងៃពេញ

ក្នុងទំរង់ធ្វើជាលក្ខណះប្រពៃណីតាំងពីបុរាណកាល និងជា

ទំនៀមទំលាប់ជាមួយកូនក្រមុំ និងកូនកំលោះដោយញាត្តិមិត្ត

បងប្អូនមកជួបជុំនិង ជាថ្ងៃមួយដែលបានបញ្ជាក់ថាអ្នកទាំងពីរ

បានក្លាយជាប្ដី ប្រពន្ធនឹងគ្នាចាប់ពីពេលនេះតទៅនិងបានចាក

ចេញពីផ្ទះឪពុកម្ដាយរបស់គេរៀងៗខ្លួន  ដើម្បីកសាងសុភមង្គល

ថ្មីជាមួយគ្នានៅក្នុងជីវិតថ្មីរបស់ពួកគេ។ហើយគេបានប្រារព្ធពិធីនេះតាំងពីព្រលឹមទល់ដល់យប់។

 និងនៅពេលយប់គេនាំគ្នាបរិភោគអាហារជុំគ្នាឬហៅថាពិធីទទួលភ្ញៀវចូលញ៉ាំអាហារនៅខាង

ផ្ទះការនោះ និងរាំលេងកម្សាន្ដជួបជុំបងប្អូន និងញាតិ្តមិត្តជិតឆ្ងាយ។ហើយមុនពេលរៀបមង្គល

ការឬអាពាហ៍ពិពាហ៍គេក៏មានប្រារព្ធពិធីមួយចំនួន​ទៀតដែរដែលគេហៅថាពិធីចែចូវ ឬចូលស្ដី

ដណ្ដឹងដែលមានការជាប់ជាមួយនូវ៖អំណោយទានមួយចំនួនដូចជា៖ (តង្វាយ, ចិញ្ជៀន 

ធាតុនិមិត្តសញ្ញា, ផ្កា, លុយ នំ ចេក ផ្លែឈើផ្សេងៗជាច្រើនទៀត)។ហើយពិធីនេះគេបានប្រារព្ធ

មានរយះពេលបីដង៖

១. លើកទីមួយគេហៅថាពិធីចែចូវ

២. លើកទីពីរគេហៅថាពិធីចូលស្ដីដណ្ដឹង និងភ្ជាប់ពាក្យ

៣. លើកទីបីគេហៅថាពិធីមង្គលការ ឬពិធីអាពាហ៍ពិពាហ៍។

ជាធម្មតាមុននឹងឈានចូលដល់ថ្ងៃរៀបមង្គលការ ប្រជាជនកម្ពុជាត្រូវគោរពតាមទំនៀម

ទម្លាប់ប្រពៃណីជាតិ និងច្បាប់អាពាហ៍ពិពាហ៍។មាតាបិតាទាំងសងខាង និងសាមីខ្លួនទាំង

ពីរត្រូវរៀបចំឯកសារមួយចំនួន ដើម្បីសុំការអនុញ្ញាតពីរដ្ឋអំណាចមូលដ្ឋានដែលគូរស្វាមី

ភរិយាត្រូវបំពេញនិងមានសំនុំបែបបទមុនពេលរៀបចំពិធីមង្គលការដូចខាងក្រោម៖

·         សំបុត្រកំណើតមួយច្បាប់

·         វិញ្ញាបនប័ត្របញ្ជាក់ទីលំនៅ និងនៅលីវ

·         សេចក្ដីប្រកាសពីកន្លែងរៀបការ

·         លិខិតយល់ព្រមពីរដ្ឋអំណាច ដោយសុំសំបុត្រអាពាហ៍ពិពាហ៍ពីរដ្ឋអំណាច និងបិទប្រកាសជាសាធារណៈឲ្យបាន១0ថ្ងៃមុនថ្ងៃរៀបការចូលមកដល់

·         រៀបចំសម្លៀកបំពាក់រៀបការ និងវត្ថុចាំបាច់ដទៃទៀត បើគូស្វាមីភរិយាថ្មីត្រូវទៅរស់នៅផ្ទះផ្សេង

·         រៀបចំបញ្ជីឈ្មោះភ្ញៀវ និងសំបុត្រអញ្ជើញ

·         រកអាចារ្យ និងនិមន្តព្រះសង្ឃ

·         រៀបចំកន្លែង និងអាហារសម្រាប់ទទួលភ្ញៀវ

·         រៀបចំអញ្ជើញភ្ញៀវឲ្យបានយ៉ាងតិច ៥ថ្ងៃមុនពេលរៀបការ

·         សម្អាត និងតុបតែងផ្ទះសម្បែងឲ្យបានមុនពេលរៀបការ ១ថ្ងៃ ឬ២ថ្ងៃ។